業績期展開至今，大股業績並無驚喜，縱有佳作，人心惶惶之下噤若寒蟬。中移動雖升三成，卻被彈ARPU下降，開拓農村市場必然之果，誠非戰之罪，大行唔睇好大市，中移、匯豐皆指數重磅股，心有餘悸，故從預設結果製作原因也。
中國手機用戶仍未及半，潛力甚豐，增值服務隨3G推出勢必百花齊放，縱有政策傾斜，但要影響市場主導地位並非朝夕可至。
反觀三、四月，最引以為憂者，反而係匯豐供股會及走本地市場過百億資金，即如筆者心情超穩定者，亦為保持投資穩健性，理性地重新檢視手頭砂紙，平時小注怡情之二、三甚至四、五線股，一概清倉，概好股股價亦低殘如炒股，長線而言，此誠一良機買好股當細股炒可也。
人同此心，有人賣珠寶鐘錶供匯豐(收費電視新聞)，筆者則去蕪存菁，一於同時當匯豐既係一線股又係五線股，一線者長持收息，五線者，部分股數於彈力強勁時沽出獲利也。
事實上，前周五筆者即買入少量匯豐，於除淨收息及除權後以少量溢價沽出，賺息賺權，現手頭權數多予原持匯豐供股比例，權價高則按比例沽出，權價低則相應買入碎權備供，進可攻退可守也。
三四月，市場訊息同樣紛亂，做淡已做無可做?散戶分分鐘被挾爆收場。做好等於逆水行舟。地緣政治轉趨緊張，南中國海、北韓皆有事發生，借用「智者明言」，金睛火眼，睇實政經形勢變動。除匯豐外，沒有長遠規劃，短期留意燃氣、農業股。
韓風
2009年3月23日
(本文同時刊載於2009年3月23日出版之成報「金融風報」欄目。成報為東方航空讀物 ,全港報攤有售。修訂版分別轉載於香港投資者關係專業人員協會官方網站http://www.irpa.com.hk/以及香港名牌網http://www.hk-brands.com/名牌資料室欄目。)
沒有留言:
張貼留言