匯豐「最好」全為您之二

上周五匯豐廣告掛一漏萬，刊出後有廣告界前輩提供了一些更加經典的匯豐廣告口號，為延續上篇，決定本周繼續：
1. (年份?)「儲蓄在匯豐　滿足在心中」，不妨戲謔：「買股買匯豐　供股唔輕鬆」。
2. (1988)「你唔知我後台好勁既咩?(你不知道我後台很強嗎?)匯豐信用卡　過人實力　更多權益」，說實在，當時真的沒有想過什麼叫「先使未來錢」。依家美國就係咁出咗事。
3. (1995)「生活方式無論你點樣抉擇，匯豐都會提供多個選擇」。
匯豐在臨近97香港回歸時，推出了不少廣告勉勵港人：
4. (1994)「香港地，搵唔搵到食，都係睇自己啫」(在香港能不能混飯吃，都是要看自己)，相信不少人有共鳴，當然也越來越多人現在選擇靠政府。
5. (1996)「股市高峰既時候，餐餐大魚大肉，後來股災，飲餐茶都要諗過(去茶館也要想一想)，但係老竇話，喺呢度(但是老爸說，在這裡)，肯做機會一定有」，十年後同樣適用。
6. (1997)「行新路，識到新的人，新的東西，幾好啊－改變都唔係咁難適應既啫。」(改變也不是這麼難適應啊－減少派息除外。)
這系列廣告每在最後都會打出「匯豐銀行－與您並肩　邁向明天」的口號。最近幾年大家最熟悉的匯豐口號莫過於是「環球金融　地方智慧」，日後再作分享。(有內地朋友反映，說看白話(即廣東話)有困難，故在括號內略作翻譯。但很多情景，還是粵語更傳神。) 韓風
2009年3月16日
(本文同時刊載於2009年3月16日出版之成報「金融風報」欄目。成報為東方航空讀物 ,全港報攤有售。修訂版分別轉載於香港投資者關係專業人員協會官方網站http://www.irpa.com.hk/以及香港名牌網http://www.hk-brands.com/名牌資料室欄目。)

匯豐「最好」全為您之一

匯豐供股在投資市場鬧得沸沸揚揚，港聞、財經爭相報導。
不禁有興趣由頭到尾重溫了一些匯豐陳年廣告，並將廣告語列之如下與大家分享：
1. (1995)「我唔係鍾意吃你煮既面，我係想見多你幾面架咋」；是否非常印象深刻呢?這個電視廣告後面既主要訊息語反而係：「匯豐深信，甘苦與共，關係先會深厚長久，互相信賴，至可以共創未來。」霍嘉治周二開記者會前，應該首先播放這個廣告。
2. (1995)「擺50圍定係擺5圍?…鋪張啲定係親切啲，鋪張啲又唔係幾夠現金，慳番啲可以用嚟投資。」2009供股版：「供50手定係供5手?鋪張啲又唔係幾夠現金，慳番啲又唔知有咩可以投資。」
3. (1996)「今日，我要由河游到大海，唔知會遇到咩風浪，但我相信繼續盡力游，一定可以游到海的另一面」；這個廣告真有遠見，霍嘉治星期二話美國風浪大，依家要游番嚟中國同香港市場啦。
4. (1997)「面對人生轉變，即使六百萬人想法唔同，我哋都會盡力為你解決，你都嚟傾下啦」；匯豐管理層，希望你們能夠盡快解決自己的困難。
5. (1998)「未來 全視乎我們有否不斷進步」，相信大家絕對同意。好多散戶的未來，都視乎匯豐的發展能否不斷進步。
祝周末愉快!
韓風
2009年3月13日
(本文同時刊載於2009年3月13日出版之成報「金融風報」欄目。成報為東方航空讀物 ,全港報攤有售。修訂版分別轉載於香港投資者關係專業人員協會官方網站http://www.irpa.com.hk/以及香港名牌網http://www.hk-brands.com/名牌資料室欄目。)

海嘯中撐匯豐之一:供呀供快搶供

拉茶：邱總您向來憂國憂民，唔知今次匯豐供股，有何真知灼見?
邱總(歌聲)：對匯豐我是情有獨鍾，5號仔今次有求於股東，我會不分南北西中，一於一股作氣供供供!
劍雄：我雖稱劍雄，但早前買入匯豐卻難逃見紅，如果用28蚊供股，豈不紅上加紅?邱總你還是慳番啖氣，切勿溝淡!
職安健：真是英雄所見略同，雖然獅王20年嚟首次嗌窮，但葛林公開話集資所得可能用嚟收購，依家後市未明，容乜易再中多次買美國業務既魔咒?
風神：我對匯豐也是又愛又恨，這次匯豐攤大手板，市場反應認真麻麻；與其12供5，每股盛惠254便士，何不簡簡單單3供1，清楚易計；供股價高番4份1，約35港元左近，籌得資金應該相近。話時話，集資額1,388億係點訂出嚟?
邱總：1,388可以係減肥套餐，近來坊間推出好多優惠瘦身套餐，葛林可能耳濡目染，咁就推出咗1,388億呢個抵供價，唔知背後既意義是否「包減成本，不瘦身、不收費?」。
風神：「包減派息」就真，我勸你不如揮慧劍斬情絲，「悟以往之不諫，知來者之可追；實迷途其未遠，覺今是而昨非」。
劍雄：1388可以係上市公司安莉芳，安莉芳主要從事製造及銷售賣胸圍、內褲、泳衣及睡衣。可能匯豐發揮海嘯創意，想幫一眾職員設計新制服。
許是人：我為咗買匯豐節衣縮食，衣帶漸寬終不悔。即使要寛衣解帶，我也在所不計。
拉茶：早抖啦。(註：上為近日圍繞匯豐供股的一些民間討論，姓名則是信手拈來，非必有其人其事。)
韓風
2009年3月4日
(本文同時刊載於2009年3月4日出版之成報「金融風報」欄目。成報為東方航空讀物 ,全港報攤有售。修訂版分別轉載於香港投資者關係專業人員協會官方網站http://www.irpa.com.hk/以及香港名牌網http://www.hk-brands.com/名牌資料室欄目。)